The Washington Post газетаси бугун “Киев учун жанг” номли махсус лойиҳани эълон қилди, дея ёзмоқда Zamon.uz' сайти. Таъкидланишича, лойиҳада Украинадаги ҳарбий можаронинг дастлабки кунлари ҳақида сўз боради.
Мақолада украин ҳукуматининг юқори мартабали амалдорлари, хусусан, президент Володимир Зеленскийдан иқтибослар келтирилгани айтилади.
“Мен ҳокимиятни ушлаб қолмоқчи эмасман. Агар мен кетсам, қон тўкилиши тўхтаса, бунга тайёрман. Ҳозирнинг ўзида кетаман. Сиёсатга (ҳокимиятни сақлаб қолиш) учун келмаганман. Агар бу можарони тўхтатса, исталган пайтда кетишга тайёрман”, – деган у низонинг дастлабки кунларида.
