Озода Нурсаидова 3 йил аввал шифохонага тушишига сабабчи бўлган "снос" ни эслаб, Конституцияга ўзгартириш киритиш борасидаги таклиф шундайлигича қолиб кетмаслиги кераклигини таъкидлади.
"Интернетда Конституцияни ўзгартириш киритиш бўйича таклифларга кўзим тушди. Унда инсонларнинг мол-мулкини ҳимоя қилиш бўйича берилган таклиф эътиборимни тортди. Чунки ўз вақтида мен билан ҳам шу бўйича муаммо бўлган. 3 йил аввал уйим бузиб ташланган", – дейди хонанда.
У сўзида давом этаркан, бу таклиф айни муддао эканини айтади.
"Ҳар бир инсоннинг уй-жойи ўзи учун бир ватан каби муқаддас. Ҳар бир ўзбек борки, биринчи бўлиб жой қилади. Интернетда ҳам ҳаммамизни кўзимиз тушади. Унинг уйи бузилган, бунинг уйи бузилган. Яъни бу бугунги кунда долзарб муаммо. Ушбу бандга ўзгартириш киритилаётгани мени жудаям қувонтирди. Ўйлайманки, бу таклиф таклифлигича қолиб кетмайди ва Конституцияга киритилади", – дейди у.
Маълумотларга кўра, йиллар аввал Нурсаидованинг тоби қочиб, юрак хасталиги билан шифохонага ётқизилган.
Бунга истиқомат қилиб келаётган уйининг бир қисми бузиб ташланиши сабаб бўлган. Хонанда яшаб турган уйнинг ортидаги давлат ери деб даъво қилинаётган ерлар аллақачон хусусийлаштирилган. Синглиси Нилуфар Нурсаидова қўлида барча ҳужжатлар борлиги ва Президент фармонига асосан уй 2018 йилнинг ноябрь ойида қайта расмийлаштирилишига қарамасдан бузиб ташланган.
Мавзуга доир:
"Рухсатларингиз билан мен ҳам ўз фикримни билдирмоқчиман"
Алишер Файз Конституциянинг икки моддасига киритилаётган ўзгартиришлар ҳақида гапирди.
Дилбар Абдунабиева.
