Японияда оила қуриш истагида бўлган эркак ва аёллар сони камайиб бормоқда, деб хабар берди “Gazeta.ru” нашри.
Тадқиқотлар натижасида япониялик йигирма ёшли бўйдоқлар орасида сўровнома ўтказилганда уларнинг 38,7 % гина уйланиш истаги борлигини билдирган, бундан уч йил илгари бу кўрсаткич 67,1 % ни ташкил этган.
Йигирма ёшли қизларнинг 59 % и турмушга чиқиш истаги борлигини билдирган (уч йил илгари 82,2 % бўлган) .
Қизларнинг ярмидан кўпи, турмуш ўртоқлари ўрта ҳисобда йилига 4 миллион япон иенасини (38 минг доллар) пул ишлаб топиши кераклигини билдиришган. Бу миқдордаги пулни япониялик йигитларнинг 15,2 % гина ишлаб топиш имконига эга эканлиги аниқланган. Шу туфайли бўлса керак, япониялик йигит-қизлар оила қуришни кейинга сурмоқдалар.
Маълумотларга кўра, 2060 йилга бориб, Япония аҳолиси камайиб, 87 миллион кишига тушиш эҳтимоли мавжуд.
