Аввалров, 21 март куни Қўқон шаҳрининг Шикорбеги кўчасидаги уйлардан бирида 5 киши вафот этгани, вафот этганлар масжид имоми, унинг рафиқаси ва 3 боласи бўлгани ҳақида хабар берган эдик.
"Ҳудудгазтаъминот" АЖ бахтсиз ҳодиса сабабини маълум қилди.
Қайд этилишича, ушбу хонадон газлаштирилган. Шу боис воқеа жойига газ таъминоти ташкилоти мутахассислари ҳам етиб келган.
Ўрганиш шуни кўрсатдики, автомобил сақлаш жойида икки контурли иситиш қозони ўрнатилган ва унинг тепасида ётоқхона жойлашган. Шу билан бирга, дудбъоронда носозликлар аниқланган, хусусан, унинг яхлитлиги бузилган. Бу эса ис гази тўпланишига сабаб бўлиши мумкин бўлган.
Фавқулодда вазиятлар вазирлиги хабарига кўра, ҳозирда экспертиза ўтказилиб, ўлим сабаблари аниқланмоқда. Шунингдек, тергов ҳаракатлари ҳам олиб борилмоқда.
