Дунё бўйлаб барча мамлакатлар COVID-19дан зиён кўргани барчага маълум. ЖССТ маълумотларига кўра, 2022 йил 12 март ҳолатига кўра, дунё бўйлаб қарийб 452 миллиондан ортиқ касалланиш ҳолати ва 6 миллиондан ортиқ ўлим қайд этилган.
Бугун ЮНИCEФ, Ўзбекистон Республикаси Санитария-эпидемиологик осойишталик ва жамоат саломатлиги хизмати ҳамда Марк Вайлнинг “Илҳом” театри билан ҳамкорликда ташкил қилинган “16/19” бадиий кўргазмаси очилди.
Ҳамкор ташкилотларнинг биргаликдаги саъй-ҳаракатлари одамларни эмланиш ва бошқа профилактика чораларига нисбатан ўз хатти-ҳаракатларини танқидий кўриб чиқишга ундаш орқали COVID-19га қарши эмланишни тарғиб қилишга қаратилган. Бу ҳақда Санэпидхизмат Матбуот хизмати хбар бермоқда.
Кўргазманинг “16/19” деб номланишида рамзий маъно мужассам. Чунки 16 та ижодий иш COVID-19нинг инсонларга таъсирини акс эттиради. Муаллифлар турли шахсларнинг COVID-19 шароитидаги танловлари ва ҳаракатлари сабабли юзага келиши мумкин бўлган оқибатлар ҳақида ўз нуқтаи назарлари билан ўртоқлашганини кўриш мумкин.
