Бугун, 26 февраль куни Ла-Манш бўғозида Россиянинг “Baltic Leader” юк кемаси қўлга олинди. Бу ҳақда ТАСС хабар бермоқда.
Қайд этилишича, санкцилар остида қолган кема Булонь-сюр-Мер коммунаси портига жўнатилган. Хабарда айтилишича, кема экипажида 19 киши бўлган.
“Baltic Leader” кейинги тақдири судда ҳал қилинади. Маълум қилинишича, кемада янги автомобиллар олиб кетилаётган эди.
"19 кишидан иборат экипажга қирғоққа чиқишга рухсат берилган, улар эркин ҳаракатлана оладилар. Экипажни Францияда жойлаштириш шартлари ҳақида ҳозирча маълумот йўқ. Кеманинг кейинги тақдири судда ҳал қилинади", - деди Россиянинг Париждаги элчихонаси матбуот хизмати раҳбари Александр Макогонов.
