Ўзбекистондан Қозоғистонга барча авиақатновлар тикланди

Ўзбекистондан Қозоғистонга авиақатновлар 19 январдан бошлаб тикланди. Бу ҳақда Uzbekistan Airways хабар қилди.

Қайд этилишича, 2022 йилнинг 19 январидан бошлаб компания Тошкент—Олмаота—Тошкент, Самарқанд—Олмаота—Самарқанд, Нукус—Ақтўбе—Нукус, Урганч—Ақтау—Урганч, Нукус—Ақтау—Нукус, Тошкент—Нур-Султон—Тошкент йўналишлари бўйича мунтазам авиақатновларни жадвалга мувофиқ амалга оширади.