Президент Матбуот котиби Шерзод Асадовнинг хабар беришича, бугун Шавкат Мирзиёев Давлат хавфсизлик хизматининг "Темурбеклар мактаби" ҳарбий-академик лицейи ва ДХХ Академиясига ташриф буюради.
Таъкидланишича, давлат раҳбарининг ташрифидан кўзланган мақсад ёшларга оид давлат сиёсатини амалга ошириш, ёш авлодни ҳарбий-ватанпарварлик руҳида тарбиялаш, давлат хавфсизлиги соҳасида кадрлар тайёрлаш борасида амалга оширилаётган ишлар билан танишишдан иборат.
