АҚШнинг касалликларни назорат ва профилактика қилиш Федерал Маркази томонидан 12 ёшдан 15 ёшгача бўлган ўсмирларда коронавирусга қарши Pfizer ва BioNTech компанияларининг бустер вакциналарини қўллаш тавсия этилди.
Маълум қилинишича, аввал тавсия фақат 16-17 ёшдаги ўсмирларга тегишли эди.
«CDC 12 ёшдан 17 ёшгача бўлган ўсмирларга Pfizer/BioNTech вакциналарининг тўлиқ курсини олгандан беш ой ўтгач қайта эмланиш ўтишни тавсия этмоқда».
CDC маълумотлари шуни кўрсатмоқдаки, COVID-19'га қарши бустерлар янги «Омикрон» штамми ва SARS-CoV-2'нинг бошқа вариантларига қарши ҳимояни кучайтиради.⠀
Марказлар ўсмирларга 25 миллиондан ортиқ доза юборганларидан кейин шундай хулосага келишди.
