"Челси"нинг собиқ футболчиси Жон Терри эндиликда клуб тизимида фаолият юритадиган бўлди. Бу ҳақда клуб расмий сайти хабар берди.
Маълум қилинишича, Терри "Челси" академиясида маслаҳатчи-мураббий лавозимида иш бошлади. У футболчилар билан биргаликда ишлашдан ташқари мураббийлар билан ҳам ишлайди.
Хабарда айтилишича, Терри январдан бошлаб расман ишга киришади. 41 ёшли мутахассис аввалроқ "Астон Вилла" клубида ёрдамчи мураббий сифатида ишлаганди.
