22 декабрдан Туркия ўзининг коронавирусга қарши илк маҳаллий вакцинасини "TURKOVAC" номи билан оммавий ишлаб чиқаришни бошлади. Бу ҳақда Президент Режеп Тоййиб Эрдоған twitter саҳифасида маълум қилди.
Анадалу агентлиги хабарига кўра, Туркияда ишлаб чиқарилган TURKOVAC коронавирус (COVID-19)га қарши вакцина кўнгиллилар иштирокидаги кўплаб муваффақиятли клиник синовлардан сўнг шошилинч фойдаланиш учун тасдиқланди.
Синовлар 2021 йил 22 декабрь куни серияли ишлаб чиқарилиши бошланган фаолсизланган вакцинанинг самарадорлиги ва хавфсизлигини исботлади.
Маълум қилинишича, маҳаллий вакцина синовлари 2020 йил апрель ойида биринчи навбатда ҳайвонларда бошланган.
Икки босқич якунида ижобий натижалар олинганидан сўнг, клиник синовларнинг охирги, учинчи босқичи бошланди.
Учинчи босқичдаги ваксинанинг биринчи дозаси 2021 йил 22 июнь куни Анқара шаҳар касалхонасида киритилди.
Президент Ражаб Тоййиб Эрдўғон жараённи видеоконференсия орқали кузатди. Шу куни Туркия раҳбари маҳаллий инактивлаштирилган вакцинага TURKOVAC номи берилганини маълум қилди.
Соғлиқни сақлаш вазири Фаҳреттин Кожа 2021 йил 25 ноябрь куни Туркиянинг TURKOVAC вакцинаси учун фавқулодда ариза топширилганини эълон қилди.
Тахминан бир ой ўтгач, Туркия дори воситалари ва тиббий асбоблар агентлиги TURKOVACни коронавирусга қарши шошилинч равишда ишлатишга рухсат берди.
Шу тариқа Туркия дунёда коронавирусга қарши вакцина ишлаб чиқарадиган 9-давлат бўлди.
