21-28 декабрь кунлари янги йил байрами муносабати билан Ўзбекистон Кинематография агентлиги, "Ёшлик" студияси томонидан "Дебют - 2021" ёшлар миллий кинофестивали бўлиб ўтади. Бу ҳақда Кинематография агентлиги Ахборот хизмати хабар бермоқда.
Унда йил давомида ёш киноижодкорлар томонидан яратилган энг сара қисқа метражли фильмлар танлаб олиниб, ғолиблар махсус мукофотлар билан тақдирланади.
Бир ҳафта давом этадиган миллий фестивалда шунингдек, маҳорат дарслари, питчинглар, турли жанрдаги қисқа метражли фильмларнинг тақдимоти, ёшлар учун шоу-концертлар ташкил этилади.
Кинофестиваль "Миллий кинематография — Янги Ўзбекистоннинг тимсоли" киноойлиги доирасида ўтказилаётган бўлиб, киноойлик 2022 йил 14 январгача давом этади.
