Аввалроқ, 18 декабрь куни Қозоғистоннинг Алмати шаҳрида Осиё каратэ федерацияси (АКФ) ижроя қўмитасининг навбатдаги йиғилиши бўлиб ўтгани ҳақида хабар бергандик.
Шунингдек, Туризм ва спорт вазирлиги 2022 йилда бир йўла иккита Осиё чемпионатини ўтказиш учун Ўзбекистон мезбон сифатида танлаб олинганини айтгани ҳақида ёзгандик.
Қайд этилишича, мазкур тадбирда яна бир қувончли ҳолат юз берган. Унда Ўзбекистон вакили бўлган Анвар Муҳаммедов Осиё каратэ федерацияси (АКФ) нинг мусобақаларни ташкил этиш қўмитаси аъзолигига сайланган.
