Таниқли олима, жамоат арбоби Светлана Рашидова Шарофовна 14 декабрь куни 70 ёшида вафот этди.
Бу ҳақда Zamon.uz хабар қилди.
Маълумот учун, Светлана Рашидова 1952 йили Тошкент шаҳрида туғилган.
Шароф Рашидовнинг энг кичик фарзанди бўлган Светлана Тошкент давлат университетининг роман-герман факультетини тамомлаган. Москва давлат университетида чет эл адабиёти фан номзоди илмий даражасини олиш учун номзодлик диссертациясини ҳимоя қилган. Тошкент давлат университетининг роман-герман факультетида доцент лавозимида ишлаган.
