Россия Федерациясининг йирик иш берувчиларидан бири атом энергетикаси, саноат, турар-жой қурилиши объектларида ишлаш истагида бўлган фуқароларни ишга таклиф этмоқда. Бу ҳақда Ташқи меҳнат миграцияси агентлиги хабар берди.
Бўш иш ўринлари:
- металл конструкциялар ва арматурани пайвандлаш;
- пўлат конструкцияларни ўрнатувчи монтажчи.
Иш жойи: Бангладеш Республикаси, “Ruppur” атом электр станциясининг қурилиш лойиҳаси.
Иш графиги: 6/1 кунлик иш ҳафтаси, бир сменада 12 соат иш вақти.
Ойлик маоши (иш ҳажми ва соати қараб):
- иссиқлик ва механик ўрнатиш профилининг асосий ишчилари учун 110-120 минг Бангладеш такаси (1250-1400 АҚШ доллари);
- умумий қурилиш ишчилари учун 90-100 минг Бангладеш такаси (1050-1150 АҚШ доллари);
- қурилиш-монтаж ишлари учун 120-130 минг Бангладеш такаси (1400-1500 АҚШ доллари).
Талаблар:
- 18-50 ёшгача бўлиши;
- судланмаган бўлиши;
- хорижга чиқиш паспорти бўлиши;
- касбий малака сертификати мавжудлиги;
- 4-малака тоифаси ва ундан юқори бўлган пайвандчи касби бўйича камида 1 йил иш тажрибаси (иш тажрибаси расман тасдиқланган бўлиши керак) эга бўлиши;
- баландликда ишлаш учун гувоҳнома;
- рус тилини мукаммал даражада билиш талаб этилади.
Таъкидланишича, транспорт, яшаш, ҳужжатларни расмийлаштириш билан боғлиқ харажатлар иш берувчи томонидан қопланади.
