Президент матбуот котиби маълум қилишича, бу мусобақани қабул қилиш учун қитъамизнинг бир қатор етакчи давлатлари даъвогарлик қилишган эди. Якунда Осиё Паралимпия қўмитаси Тошкент шаҳри номзодини қўллаб-қувватлади.
Таъкидлаб ўтиш жоиз, Тошкент шаҳри яқинида Олимпия шаҳарчаси қурилмоқда, у ерда 2025 йилда ёшлар ўртасида IV Осиё ўйинлари ўтказилади.
«Эътиборлиси, шу пайтгача ҳеч қайси давлатда ёшлар ўртасидаги Осиё ва Параосиё ўйинлари кетма-кет ўтказилмаган», — дейди Ш.Асадов.
