"Ўзбеккино" Миллий агентлигининг Матбуот хизматини маълумотига кўра, дунёдаги энг катта кино экрани Сиднейнинг Panasonic IMAX кинотеатрида жойлашган. Экраннинг кенглиги 35,72 метр, баландлиги 29.57 метр. Унда фильмлар IMAX 3D форматида намойиш этилади.
Дунёдаги энг катта ёзги кинотеатр – Open Air. У шаҳар ва мамлакатлар бўйлаб ҳаракатланиб, томошабинларга оғирлиги 54 тонна, кенглиги 19 метр ва баландлиги 16 метр бўлган экран сифатини баҳолаш имконини беради. Open Air Швейцарияда ишлаб чиқарилган.
️Дунёдаги энг улкан кино мажмуаси эса Брюсселда жойлашган. «Кинеполис»да 700 кишигача томошабинни сиғдира оладиган 26 та кинотеатрлар фаолият юритади. Бу ерда шунингдек, IMAX фильмларини намойиш этиш учун кинозал ҳам мавжуд. «Кинеполис» бир вақтнинг ўзида 6000 гача томошабинни қабул қилиши мумкин.
