Мадриднинг "Реал" ҳамда "Милан" жамоалари собиқ ярим ҳимоячиси, айни дамда “Орландо Сити” клуби аъзоси Кака “Реал” етакчиси Криштиану Роналду ҳамда “Барселона” ҳужумчиси Лионель Месси ўртасидаги фарқни айтиб ўтди.
- Месси ёки Роналду? Уларни турлича таърифлаш мумкин. Месси – даҳо, Роналду эса замонавий футбол рамзи. Португалиялик ҳужумчида барча хислатлар мавжуд. У юқори тезликка эга, шунингдек, жарима зарбаларини амалга ошириш ва ҳар икки оёқда бирдек ўйнай олиш қобилияти ҳам бор, - дейди Кака FIFA TV телеканалига берган интервьюсида.
