Ўтган бир ҳафта давомида одамларнинг диққат марказида “Барон” фильми бўлди, десак муболаға бўлмайди. Буни Алишер Навоий номли киносаройига фильмини томоша қилишга ташриф буюрган мухлислар сонидан ҳам билиш мумкин.
Алишер Навоий номли киносарой матбуот хизматининг хабар беришича, 21 дан 27 январга қадар ушбу фильмни томоша қилганлар сони 32 449 тани ташкил қилди.
“Барон”ни кўришга келиб, жой топа олмай кетганларнинг интернетда тарқалаётган фикрлари фильмга бўлган қизиқишни янада орттирмоқда.
Чипта нархи 10 минг сўм эканлигини инобатга олсак, бир ҳафтада “Барон”га 324 миллион сўмлик чипта сотилганини гувоҳи бўлишимиз мумкин. Дарвоқе, “Барон” фильмнинг бюджети 1,5 миллиард сўмни ташкил қилади.
Мухлисларнинг талабларига биноан “Барон”ни кўриш истагида бўлган томошабинларнинг кўплигини инобатга олган ҳолда бироз муддат бошқа фильмларнинг намойиши тўхтатилди. Ҳозирги кунда саройимиз кассаларида “Демак севасан”, “Қайсаргинам”, “Дадам билмасин” фильмларига чипталар сотилмоқда.
Ўтган ҳафтадаги ҳолатларни таҳлил қилган ҳолда ҳафтанинг дам олиш кунлари “Барон” фильмини кўриш истагида келганлар сони яна кўпайиши кутилмоқда. Бундай ҳолларда саройнинг барча залларида фақат “Барон” нинг намойиши бўлиб ўтиши тахмин қилинмоқда.
