АҚШда канадалик қўшиқчи Селин Дионнинг 73 ёшли турмуш ўртоғи ва унинг менеджери Рене Анжелил вафот этди. Бу ҳақда хонанданинг Facebook`даги саҳифасига асосланиб,“Lenta.ru” хабар бермоқда.
Қўшиқчининг турмуш ўртоғи 14 январь, пайшанба куни “саратон касаллиги билан узоқ вақт курашувлардан сўнг” ўз уйида вафот этди.
“Турмуш ўртоғимнинг ўлими ҳақидаги батафсил маълумотлар тез орада тақдим этилади”, — дейилади 47 ёшли хонанданинг расмий сайтида.
Селин Дион Анжелил билан 1980 йилда танишган. Ўшанда Селин 12, Анжелил 38 ёшда эди. Улар 1987 йилда учраша бошлаган. Тўрт йил ўтгач, эса икки ёш унаштирилгани ҳақида маълум қилди. Улар 1994 йилда турмуш қурган. Ўша йилдаёқ Анжелилнинг онкологик касалликка чалингани маълум бўлди. ўшанда Селин қўшиқчилик каръерасига якун ясаб, оиласига кўпроқ вақт ажратишга қарор қилади. Орадан бир неча йил ўтгач, касаллик бироз чекингандек бўлди ва Селин яна саҳнага қайтди.
2013 йилда турмуш ўртоғининг аҳволи ёмонлашгани учун Селин яна ижодни тўхтатади. 2015 йилнинг март ойидан бошлаб, у яна куйлай бошлаганди.
Анжелил ва Селиннинг уч нафар фарзандлари бор: Рене Чарлз ва Нельсон ва Эдди исмли эгизаклар.
