Ўзбекистон Республикаси Президенти Ислом Каримов Туркия Республикаси Президенти Режеп Таййип Эрдоғанга 2016 йилнинг 12 январ куни Истанбул шаҳрида инсонларнинг ҳалок бўлишига олиб келган террорчилик ҳаракати муносабати билан чуқур ҳамдардлик билдириб мактуб йўллади.
Шунингдек, Ислом Каримов Германия Федератив Республикасининг Федерал канцлери Ангела Меркел номига йўлланган мактубда давлатимиз раҳбари Истанбулдаги террорчилик ҳужуми оқибатида ҳалок бўлган Германия фуқароларининг оила аъзолари ва яқинларига самимий ҳамдардлик туйғуларини етказишни сўради.
