Анжелина Жоли ва Брэд Питт жуфтлиги нафақат Голливуднинг, балки бутун дунёнинг энг чиройлиги жуфтлиги ҳисобланади. Анжелина Жоли оила ва каръерани бирдай уддалаётган ва мислсиз муваффақиятларга эришаётган аёл сифатида таҳсинга сазовор. Хўш, у бунга қандай эришади? Қуйида у “Малифисента” фильмидаги эсда қоларли воқеалар, фарзандлари ва Брэд билан танишиши ҳақида сўзлаб беради.
“Disney” студиясидаги ҳангомалар
“Disney” студиясининг омборида исталган ижодкор ҳеч иккиланмай миллионлар эвазига сотиб оладиган “кадр”лар сақланади. Бу тўрт ёшли дебютант Вивьен Маршелин Жоли-Питтни катта кинога олиб киришга сабабчи бўлган “Малефисента” фильми эди. “Cуратга олишнинг биринчи куни кичкинтойнинг гоҳ қорни очиб қолса, гоҳ фильм учун ишланган либосларни кийишни истамасди. Камига қум ўйнашга ҳам тушиб кетди», дейди Жоли. Жоли ва Питт фарзандининг қайсарлигини енгиш учун цирк аренасида ўзларини ҳар кўйга солишди: “Қўшиқ куйладик, бир нималар ясадик... “Disney”чилар қилаётган ишларимиз энг кулгили кадрорти ҳангомалари сифатида олтин фондда қолишини айтишди”, дейди ижодкорлар.
“Уни ёмон кўриш хузур бағишлаган”
“Менимча, уни ёмон кўриш менга хузур бағишлаган. Сеҳргар кампирдан қўрқардим, шу билан бирга у нимаси биландир мени ўзига боғлаб ҳам оларди”, дейди Жоли. Мазкур роль учун актриса махсус сабоқ ҳам олди. “Актрисалар одатда бор овози билан гапирмайди. Суратга олиш майдончасида гўё овоз мендан чиқмаётгандек туюлди. Лекин бу ёқимли жараён эди. Ҳаммага ҳеч бўлмаса умрингизда бир бора океан қирғоғида туриб, бор овозингиз билан бақириб кўришни маслаҳат бераман”, дея актриса ички кечинмаларини яширмади.
Суратга олиш майдончасида танаффус эълон қилинган вақтида ҳам Жоли ёвуз сеҳргар қиёфасида юришдан орланмади. Барча болачалар қўрқинчли бу қиёфанинг олдига яқинлашолмади. Лекин актрисанинг кичкинтой қизи бундан мустасно. “Вивен доим “дум”дек ортимдан юради. Унга кайфиятим йўқлиги, жахл билан гапираётганимнинг ҳам фарқи йўқ. Одатдагидек ёнимга келиб, қўлидан ушлаб юришимни талаб қилади. Ҳатто ҳеч қандай грим Вивенни қўрқита олмайди”, дейди Жоли.
Жоли энди кадр ортида...
Жолининг катта экранларга чиқиши кутилаётган иккинчи режиссёрлик иши — уруш драмаси. “Мен жисмоний эмас, фақатгина ақлий меҳнат билан шуғулланаётганимдан мамнунман. Шу тарзда ишлаш жуда қулай экан”, дея тан олди Жоли.
Актрисанинг галдаги режиссёрлик иши ҳақиқий голливуд блокбастери, дея эътироф этиляпти. Акулаларнинг ҳужуми, самолетларнинг қулаши, улкан декорациялар... бу катта бюджетли фильми орқали актриса профессионал режиссёр эканини кўрсатиб қўйиш ниятида.
“Бахтли турмуш эртакдек туюларди”
“Онам бизларни ёлғиз катта қилгани сабаб, ҳеч қачон севиб қолмайман, дердим. Чунки тўлақонли оилада яшамаганинг учун бахтли турмуш эртакдек туюларди-да!”, дея кўнглини очган актриса ўтган йили онасидан “қолган” саратон касаллигини енггани ҳақида сўзлашдан бош тортди. Фақатгина “Даволаниш учун қурбонликларга рози бўлишим осон кечмади. Айниқса, ташқи кўриниш профессионалликдаги муваффақиятни таъминлашини билган аёл учун катта жасорат эди”, деёлди холос. Ҳаётидаги бу оғир дамларда режиссёрлик ишлари билан чалғиди. “Камбоджалик болалар орасида ўтириб, шу ерда ўғлим борлигини ҳис қилдим. Шундай вақтлар бўладики, қандайдир куч сени тўғри йўлга бошлайди”, деб яна бир болани боқиб олганини айтди.
Жоли режиссёрлик ишлари билан Австралияда юрганида, Питт Англияда “Ғазаб” номли бошқа жангари драмада суратга тушаётганди. Бу жуфтлик илк бор ота-оналик тўғрисидаги битимни бузишди. Бири суратга олиш билан банд, иккинчиси эса ўзини бутунлай оилага бағишлаган. Анжелинанинг сўзларига кўра улар бу хатони қайтиб такрорламас эканлар. Питт билан охирги саккиз йил ичида муносабатларингиз ўзгардими, деган саволга актриса ўйланибгина “Бу саволни бирор марта ўзимга бериб кўрмаган эканман. Назаримда, Брэдга ҳам бу саволни эшитиш қизиқ туюлса керак”, деб сўзига якун ясади.
