“Ўзбекистон почтаси” АЖ томонидан тайёрланиб, Ўзбекистон Республикаси ахборот технологиялари ва коммуникацияларини ривожлантириш вазирлиги томонидан 2016 йил 5 январидан “Орол денгизи офати” номли почта маркаси муомалага киритилди. Бу ҳақда “Ўзбекистон почтаси” АЖ сайтида хабар берилди.
“Орол денгизи офати” номли почта маркаси Бутунжахон почта иттифоқининг тавсиясига биноан “Орол денгизи экологик офат оқибатларини юмшатиш” мавзусига бағишланган бўлиб, почта блоки кўринишида чоп этилган.
Почта маркасида Орол денгизи экологик офати тасвирланган. Почта блокида “Орол денгизи экологик офат оқибатларини юмшатиш” сўзлари лотин графикасида ёзилган.
Почта маркаси бир неча рангда ишланган, ўлчами 52х37 мм.
