7 январь куни «Ажойиб математика» фестивали доирасида Жанубий Кореядаги Инҳа университети профессори Хун Чанг математика бўйича маърузалар ўқиди.
Кореялик профессорнинг маърузасига мактаб, лицей ва коллежлари ўқувчилари, уларнинг ота-оналари ва ўқитувчилар иштирок этди.
Маърузалар кундалик инсон ҳаёти давомида дуч келадиган математика ва гиперкубга бағишланди.
Хун Чанг: "Жанубий кореялик болалар билим олишдан чарчашган. Бу ерда эса болалар, ота-оналар ва ўқитувчиларнинг кўзлари чақнашидан уларга мавзулар қизиқарли эканлиги кўриниб турарди. Менда маърузани тўхтатмаслик истаги бор эди, лекин афсуски вақт чегараланган эди."
Профессорнинг маърузаси 8 январь куни ҳам бўлиб ўтади. «Ажойиб математика» фестивали ҳам 8 январга қадар давом этади.
