Қурд аскарлари томонидан асирга олинган “Ислом давлати” ташкилоти” жангариси Sputnik Türkiye агентлигига берган интервьюсида, қаерда ва қай тарзда ўқув машғулотлар ҳақида сўзлаб берди.
Йигирма ёшли араб Абдураҳмон Абдулҳоди қурд аскарлари томонида 2015 йилнинг декабрида Сурияда асирга олинган. У ҳозирда бошқа ИД жангарилари билан YPG қамоқхоналарида.
Абдулҳоди ИД таркибига 2013 йилда кирганини ва шундан сўнг Суриянинг ҳукумат аскарларига қарши жанг қилганини сўзлаб берди. Унинг айтишича, 2014 йилнинг августида у Туркиянинг Адан шаҳрида ўқув машғулоти ўтаган. Ҳафтада бир марта 60 кишидан иборат гуруҳда отиш бўйича машқлар ўтаган, уларни Калашников автомати ва бошқа турдаги қуроллардан фойдаланишга ўргатишган.
"Ўқув машғулотлари Туркияда ўтган, сабаби ИД раҳбарлари бу ерда Суриядан кўра тинчроқ деб ҳисоблашган. Бомбардимонлар сабабли ҳарбий тайёргарликни Сурияда ўтказишнинг мутлақо имкони йўқ эди", — дейди Абдулҳоди.
Туркиянинг террорчилик ташкилотлари билан алоқаси тўғрисидаги саволлар ҳозиргача очиқ бўлиб қолмоқда. Бироқ айрим Сурияда жанг қилаётган гуруҳлар Туркия ҳудудида ўз ҳарбий лагерларига эга эканлиги тўғрисида маълумотлар тарқалган.
ИД жангариси, матбуот учун машқлур ўталган лагерь, Сурия эркин амиясининг лагери деб таништарилганлигини маълум қилди.
"ОАВлар бизни Сурия эркин армиясининг лагерида ўқув машғулоти ўтаганимизни ёзган, аммо у ерда шуғулланган 60 киши ИД аъзолари эди. Бу Сурия фуқаролари эди, улардан аксарияти Туркияга пул топиш учун келган, аммо кейин ИДга қўшилиб олган", — дейди у.
Абдулҳодининг асосий вазифаси Туркияга келаётган сурияликларни кутиб олиш эди. У сурияликлар билан интернет орқали алоқа ўрнатган ва уларга Туркияга келиб машғулот бошлашларига имкон туғдирган.
"Ўқув машғулотларидан сўнг биз уларни Урфага, у ердан эса —Раккига юборганмиз. Раккидан эса уларни Суриянинг турли ҳудудларига тарқатишган", — дейди у. Шунингдек у ИДга қуроллар Ироқдан фуқаролик автомобилларида гуманитар ёрдам ниқоби остида келганилигини маълум қилди.
Абдулҳоди ИД таркибига кирганидан афсусдалигини тан олди.
"Мен ИД ҳақида ўқиганим ва реалликда дуч келганим – мутлақо бошқа нарса", — дейди у.
