Maktabgacha ta`lim vazirligi tomonidan Qibray tumani 25-sonli maktabgacha ta`lim muassasasida tekshiruv o`tkazildi...
Hayot ShAMSUTDINOV, O`zbekiston Respublikasi Bosh prokuraturasi jamoatchilik bilan aloqalar va huquqiy axborot bo`limi boshlig`i:
— Tekshiruvda Qibray tumani 25-sonli maktabgacha ta`lim muassasasida 180,4 mln. so`mlik oziq-ovqat mahsulotlari o`zlashtirish yo`li bilan talon-taroj qilinganligi aniqlangan.
Xususan, muassasa omboridagi maxsulotlar sanoqdan o`tkazilganda, 33 xil turdagi 21,6 mln. so`mlik oziq-ovqat mahsuotlari kamomadi borligi aniqlangan.
Bundan tashqari, 2018-2019 yillar davomida 4,1 tonna 134,7 mln. so`mlik go`sht hamda 7,9 ming litr 24 mln. so`mlik sut mahsulotlari tashkilot tarbiyalanuvchilarga berilmay, o`zlashtirib yuborilgan.
Mazkur holat yuzasidan 2019 yil 19 noyabrda Bosh prokuratura huzuridagi Departamentning Qibray tumani bo`limi tomonidan JKning 167-moddasi 3-qismi “a” bandi bilan jinoyat ishi qo`zg`atilib, tergovga tegishliligi bo`yicha tuman prokuraturasiga yuborilgan.
Jinoyat ishi bo`yicha hozirda dastlabki tergov harakatlari olib borilmoqda. Tergov natijasi xaqida qo`shimcha xabar beriladi.
(Toshkent viloyati MTB boshlig`ining 2019 yil 27 noyabrdagi buyrug`iga asosan Qibray tumanidagi 25-sonli maktabgacha ta`lim muassasasi mudirasi egallab turgan lavozimdan ozod etilgan).
