Toshkentda tadbirkorni aldab, pul talab qilgan elektr tarmoqlari korxonasi xodimi aniqlandi. Bu haqda Bosh prokuratura Matbuot xizmati ma`lum qildi.
Bosh prokuratura huzuridagi Departamentning Yashnobod tumani bo`limi tomonidan tadbirkorlik sub`ektlarining qonuniy huquq va manfaatlarini himoya qilish yuzasidan o`tkazilgan tergovga qadar tekshiruvda, Mirobod tuman elektr tarmoqlari korxonasi shartnomalar bo`yicha muhandisi D.Z. “A.T.” XK rahbari A.V.ni aldab, uning ishonchiga kirib, korxonadagi elektr hisoblagichni o`zgartirish va tegishli hujjatlarni rasmiylashtirib berish evaziga 500 AQSh dollari va 650 ming so`m pullarini firibgarlik yo`li bilan qo`lga kiritib, o`z ehtiyojlari uchun sarflab yuborganligi aniqlangan.
Mazkur holat yuzasidan D.Z.ga nisbatan Jinoyat kodeksining tegishli moddalari bilan jinoyat ishi qo`zg`atilib, tergov harakatlari o`tkazilmoqda.
