Ijtimoiy tarmoqlarda maktab o`qituvchilarini joriy yilning 22 dekabrida bo`lib o`tadigan saylov jarayoniga jalb etilayotgani haqida ma`lumot tarqatilgan edi. Xalq ta`limi vazirligining matbuot kotib ushbu xabarga munosabat bildirdi.
O`zbekiston Respublikasi Saylov komissiyasi ma`lumotiga ko`ra, uchastka saylov komissiyalari tarkibini shakllantirish bo`yicha ishlar yakuniga etgan.
Mazkur komissiya tarkibiga ijtimoiy soha, jumladan xalq ta`limi tizimi xodimlari ham kiritilgan.
Saylov kodeksiga muvofiq, komissiya a`zosi saylovga tayyorgarlik ko`rish va uni o`tkazish davrida ishlab chiqarish yoki xizmat vazifalarini bajarishdan o`rtacha oylik ish haqi saqlangan holda ozod qilinishi mumkin.
