O`zbekiston Respublikasi Prezidenti Shavkat Mirziyoevning taklifiga binoan Turkmaniston Prezidenti Gurbanguli Berdimuhamedov joriy yil 28 noyabr kuni amaliy tashrif bilan mamlakatimizga keladi.
Davlat rahbarlari o`zaro manfaatli hamkorlikni yanada rivojlantirish istiqbollarini muhokama qiladi hamda savdo-iqtisodiy, transport-kommunikasiya va madaniy-gumanitar sohalarda qo`shma loyihalar amalga oshirilishining borishini ko`rib chiqadi.
Prezidentlar, shuningdek, mintaqaviy va xalqaro ahamiyatga molik dolzarb masalalar yuzasidan fikr almashadi.
Turkmaniston Prezidenti 29 noyabr kuni Toshkentda Markaziy Osiyo davlatlari rahbarlarining ikkinchi Maslahat uchrashuvida ishtirok etadi.
