Fransiya poytaxti Parijda mashhur rassom Vinsent Van Gog asarlarining ko`rgazmasi tashkil etildi, deya xabar qilmoqda RIA Novosti nashri.
Biroq bu oddiy ko`rgazma emas. Gap shundaki, san`at asarlari tomoshabinlarga uch o`lchamli grafikalar shaklida taqdim etilmoqda. Raqamli galereyada suratlar harakatlanayotgandek taassurot qoldiradi. Mazkur ko`rgazmadagi suratlar uchun ovozli dizayn ham yaratilgan. Van Gog ko`rgazmasi yil so`ngiga qadar davom etadi.
