Pokiston Tashqi ishlar vazirligi maslahatlashuvlar uchun Hindistondan o`z elchisini vaqtinchalik chaqirtirib olishga qaror qildi, deb xabar bermoqda Trend nashri.
Xabar qilinishicha, bu Hindistonda sodir bo`lgan terakt fonida ikki mamlakat o`rtasidagi munosabatlarda yuzaga kelgan keskinlik bilan bog`liq. Hindistonlik rasmiylarning so`zlariga ko`ra, Hindiston Jammu va Kashmir shtatida yuz bergan, 44 nafar harbiy xizmatchining o`limiga olib kelgan portlashdan keyin Pokistonni butunlay yakkalatib qo`yishga qaror qildi.
