Chili qirg`oqlarida kuchli zilzila sodir bo`ldi, deb xabar bermoqda Vesti nashri.
Silkinish kuchi 6,7 magnituda ekani qayd etilgan bo`lib, uning epimarkazi mamlakatning janubi-g`arbidagi Kokimbo shahridir. Seysmologiya markazining ma`lum qilishicha, tabiiy ofat tufayli 200 ming nafar aholi elektr ta`minotidan uzilib qolgan. Yuzlab uylar qisman vayron bo`ldi. Odamlar tunni ko`chalarda o`tkazishga majbur bo`lishgan. Zilzila natijasida qurbon bo`lganlar yo`q. Biroq ikki ayol qattiq qo`rquv natijasida silkinishdan so`ng yurak xurujidan vafot etgan.
