Qozog`istonning Pavlodar viloyati Aksu tumanida O`zbekistonning 55 nafar fuqarosini olib ketayotgan avtobus buzilib qolgan. Bu haqda zakon.kz nashri xabar berdi.
Ushbu voqea 12 yanvar kuni Toshkentdan Krasnoyarskka yo`l olgan Van Hool rusumli avtobus soat taxminan 14.09 da "Pavlodar-Ostona" avtomobil yo`lidagi Kalmakan qishlog`idan 30 km uzoqlikda yuz bergan.
Qisqa muddat ichida Pavlodar Favqulodda vaziyatlar departamenti sovqotgan yo`lovchilarni voqea joyiga yaqin bo`lgan maktab binosiga joylashtirishgan va yo`lovchilarga kerakli yordam ko`rsatilgan.
Avtobusni ta`mirlash uchun Pavlodar shahriga olib borishadi.
O`zbekiston fuqarolari avtobus yaxshi holga kelguncha iliq xona, oziq-ovqat va yashash sharoiti bilan ta`minlandi.
