Argentina poytaxti Buenos-Ayres shahrida III yozgi o`smirlar Olimpiya o`yinlari davom etmoqda.
Kecha taekvondochimiz Ulug`bek Rashitov kumush medalni terma jamoamiz hisobiga qo`shib qo`ygandi.
Bugun esa dzyudochimiz Nilufar Ermagambetova sovrindorlar qatoridan o`rin oldi. Hamyurtimiz ilk jangida panamalik raqibasini mag`lubiyatga uchratdi.
Yarim finalda esa mo`g`ulistonlik sportchiga imkoniyatni boy berdi. Bronza medali uchun kechgan jangda esa u Puerto-Riko vakilasi Seiri Kolonni mag`lub etdi va sovrindorlar qatoridan joy oldi.
Shu tariqa O`zbekiston terma jamoasining o`smirlar Olimpiya o`yinlaridagi medallari soni ikkitaga etdi.
