Jazirama yoz. Issiq havo kuydiraman deydi. Bunday paytlarda ehtiyotsizlik tufayli oziq-ovqat mahsulotlaridan zaharlanish hech gap emas.
Buni qarangki, shunday pallada Namangan viloyati Norin tumani “Yaydoq” mahalla fuqarolar yig`inida quyosh tig`ida tuxum sotilmoqda, deb yozmoqda Mahalladosh nashri.
Bu holat kishini ajablantirmay qolmaydi. Tuxum ortilgan yuk mashinasi haydovchisi kishilarning sog`lig`iga putur etkazib qo`yishi mumkinligini hech o`ylab ko`rdimikan? Axir, bunday issiqda tuxum aynib, iste`molga yaroqsiz ahvolga kelishi kunday ravshan-ku.
