Ingliz tili o`qituvchisi Ivonn Meyson Marjori Stounman Duglas maktabida sodir bo`lgan otishma yuzasidan Oq o`yga maktub yo`llagan edi.
O`qituvchi o`tgan yili nafaqaga chiqgan bo`lsa ham, maktubda o`quvchilari uchun g`amxo`rligini bildirdi.
Oq uydan kelgan javob xatida 10dan ortiq imloviy xatolar mavjud edi.
Shunda, o`qituvchi ayol ushbu maktubni Facebook’dagi sahifasiga joylashtirib, "Mister Trampdan maktub oldim. Ertaga qaytaraman", degan yozuvni qoldirdi.
Ushbu maktub ijtimoiy tarmoq foydalanuvchilarining keng muhokamasiga sabab bo`ldi. Kimdir mazkur nomani Donald Tramp yozmagan desa, kimdir bunday holat yuz berganiga ishonmadi.
