“O`zbekiston temir yo`llari” meva-sabzavot tashishga 50% chegirma e`lon qildi

“O`zbekiston temir yo`llari” meva-sabzavotlar tashishga chegirmalar e`lon qildi. Bu haqida kompaniyaning rasmiy sahifasida xabar berilgan.

Chegirmalar quyidagi holatlarda beriladi:

1. O`zbekiston hududida yangi etishtirilgan ho`l meva va sabzavotlar, qayta ishlangan meva-sabzavot mahsulotlari eksport yo`nalishida tashilganida 50 foizlik chegirma qo`llash tartibi o`rnatilgan.
2. Qo`shni Qozog`iston hududi orqali O`zbekistonda yangi etishtirilgan ho`l meva va sabzavotlar, kartoshka va tovuq go`shti olib o`tish uchun tranzit tashuvlarida 50 foiz chegirma qo`llanilishi tartibi o`rnatilgan.
3. Rossiya Federasiyasi hududiga yangi etishtirilgan ho`l meva va sabzavotlar refrijerator vagonlarda olib kirilganda, Rossiya davlati tomonidan 50 foizlik chegirma qo`llaniladi.

Qo`shimcha ma`lumotlar va ularning shartlari haqida batafsil “O`zbekiston temir yo`llari” aksiyadorlik jamiyati “O`ztemiryo`lekspedisiya” orqali olish mumkin.