Avstraliyaning Viktoriya shtatidagi Linton shahrida ot egasini itning hujumidan qutqardi, deb yozdi lenta.ru nashri.
Ot ustida ketayotgan ayolga ulkan daydi it hujum qilib, uning oyog`idan tishlab- tortgancha, erga yiqitdi. Egasining nochor ahvolda qolganini ko`rgan ot unga yordamga shoshildi. U nafaqat egasini qutqardi, balki itni ancha joygacha quvib bordi.
Egasini tanasi bilan to`sgan ot jiddiy jarohat oldi. It uning bo`ynidan tishlagan edi. Otni veterinarga olib borib, yirtilgan jarohatini tiktirishga to`g`ri keldi. Uning egasi ham oyog`idagi jarohat tufayli kasalxonaga yotqizildi. Itni ushlashning iloji bo`lmadi.
