Surxondaryo viloyati Jarqo`rg`on tumanida yo`l-transport hodisasida 4 yo`lovchi halok bo`ldi, deb xabar qildi O`zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Xabarga ko`ra, hodisa 20 fevral kuni "Bishkek-Dushanbe-Termiz" M-41 yo`lining 1553-kilometrida sodir bo`lgan.Surxondaryo viloyatining fuqaro T.Shamatov o`zining "Lasetti" rusumli avtomashinasini haydab ketayotib, boshqaruvni eplay olmay yo`lning chap tomonidagi ariqqa tushib ketgan. Natijada avtomashina haydovchisi jarohat olib, kasalxonaga yotqizilgan.
Uning yo`lovchilari Z.Mardonova, D.Jo`raev, M.Abduxayirova hamda T.Eshmirzaevalar voqea joyida halok bo`lishgan.
