Kiev appelasiya sudi mamlakat Bosh prokuraturasining shikoyatini qoniqtirib, Odessa viloyatining sobiq gubernatori Mixail Saakashviliga tungi soat 22.00 dan ertalabki soat 07.00 gacha bo`lgan oraliqqa uy qamog`ini tayinladi, deb xabar berdi lenta.ru nashri.
Bosh prokuratura o`tgan yilning dekabr oyida ozodlikda yurgan siyosatchini qamoqq olishni talab qilgan Kievning Pecher tuman sudining qarorini bekor qildi.
Saakashvili bu ish uning mamlakat bo`ylab erkin harakat qilmasligi, Ukraina telekanallarining kechki efirida ko`rinmasligi uchun o`ylab topilgan, deb hisoblamoqda. U Lvov va Vinnisa shaharlariga borish rejasi bo`lganligini ta`kidladi.
Saakashvili 8 dekabr kuni davlat to`ntarishini tashkil etishda ayblanib, qo`lga olingan, ammo oradan uch kun o`tgach, qo`yib yuborilgan edi. Prokuratura siyosatchini qamoqqa olish haqida iltimosnoma kiritgan, biroq sud uning xalq deputatligini inobatga olib, ozodlikda qoldirgan edi.
