SAMARQAND ShAHRIDAGI "TEMURBEKLAR MAKTABI"NING TAQDIMOT MAROSIMI BO`LIB O`TDI.
Tadbir ishtirokchilari maktabning harbiy vatanparvarlik va buyuk ajdodlarimizga ehtirom ruhida jihozlangan sinf xonalari, harbiy jang san`ati, jangovar ruhiyatni ko`taradigan eksponatlar bilan tanishishdi. Fotosuratlar ko`rgazmasi, kitoblar taqdimoti, "Mardlar qo`riqlaydi Vatanni" rukni ostidagi ochiq darslarga guvoh bo`ldilar.
Ayniqsa, "Temurbeklar maktabi" tarbiyalanuvchilari tomonidan tayyorlangan teatrlashtirilgan konsert dasturi, ular o`rtasida o`tkazilgan avtomatni yig`ib-terish, granata uloqtirish, sportning armrestling, turnikka tortinish, to`siqlar osha yugurish, qo`l jangi turlari bo`yicha musobaqalar yig`ilganlarda katta taassurot qoldirdi.
