Pirimqul Qodirov 1928 yil 25 oktyabrda Tojikistonning Shahriston tumaniga qarashli Kengko`l qishlog`ida tug`ilgan. Bugun hayot bo`lganida O`zbekiston xalq yozuvchisi, barcha sevib mutolaa qiladigan asarlar muallifi Pirimqul Qodirov 89 yil yoshni qarshi olgan bo`lardi.
Bu nom tilga olinganda eng avvalo barchamiz sevib mutolaa qilgan «Uch ildiz», «Qora ko`zlar», «Yulduzli tunlar» romanlari yodingizga tushsa ajab emas. Shuningdek, yozuvchining 80-yillarda «Yulduzli tunlar»ning mantiqiy davomi sanalmish Boburning sadoqatli, jasur farzandi Humoyun va nabirasi - tarixda «chinakam daho shaxs» deb nom olgan Akbar hayoti haqida hikoya qiluvchi «Avlodlar dovoni» («Akbar») romanini ham sevib o`qimagan kishi topilmasa kerak.
