Пиримқул Қодиров 1928 йил 25 октябрда Тожикистоннинг Шаҳристон туманига қарашли Кенгкўл қишлоғида туғилган. Бугун ҳаёт бўлганида Ўзбекистон халқ ёзувчиси, барча севиб мутолаа қиладиган асарлар муаллифи Пиримқул Қодиров 89 йил ёшни қарши олган бўларди.
Бу ном тилга олинганда энг аввало барчамиз севиб мутолаа қилган «Уч илдиз», «Қора кўзлар», «Юлдузли тунлар» романлари ёдингизга тушса ажаб эмас. Шунингдек, ёзувчининг 80-йилларда «Юлдузли тунлар»нинг мантиқий давоми саналмиш Бобурнинг садоқатли, жасур фарзанди Ҳумоюн ва набираси - тарихда «чинакам даҳо шахс» деб ном олган Акбар ҳаёти ҳақида ҳикоя қилувчи «Авлодлар довони» («Акбар») романини ҳам севиб ўқимаган киши топилмаса керак.
