Amerikaning Kaliforniya shtatidagi Los-Anjeles shahrida avtomobil to`planib turgan odamlarni bosib ketishi oqibatida sakkiz kishi jabrlandi, deb xabar berdi Ria.ru nashri.
OAVlar bergan xabarga ko`ra, voqea yakshanba kuni mahalliy vaqt bilan soat 15.47 da Mid-Uilsher shahrida ro`y berdi.
Avtomobil to`qqiz kishidan iborat to`daga borib, urilgan. Ulardan biri chaqqonlik qilgani bois jiddiy jarohatdan omon qoldi. Qolgan sakkiz kishi turli darajadagi tan jarohati bilan kasalxonaga yotqizildi. Polisiya ulardan birining ahvoli og`irligini ma`lum qildi.
Los-Anjeles polisiyasi vakili Rosario Erreraning xabar berishicha, avtomobil haydovchisi YTHdan keyin voqea joyidan ketmagan, mazkur voqea baxtsiz hodisa, deb talqin qilinmoqda.
