Amerikaning Independent Journal Review nashri muxbiri Xeyli Berd qora tanli senator, respublikachi Tim Skott (Tim Scott)ning boshiga noutbugini tushirib yubordi, deb xabar berdi Lenta.ru nashri .
Mazkur rolik Twitter ijtimoiy tarmog`iga joylashtirildi. Videorolikda Obamacare islohotini bekor qilish masalasiga bag`ishlab o`tkazilayotgan yig`ilishda dunyo bexabar o`tirgan senatorning boshiga balkondan noutbuk tushib ketgani aks etgan. Bundan senator qattiq qo`rqqaniga qaramay, tan jarohati olmadi.
Berdning aytishicha, noutbuk qo`lidan tasodifan tushib ketgan. U hammaning oldida Skottdan kechirim so`rab, siyosatchidan mazkur voqeani hujum, deb tushunmaslikni iltimos qildi.
