Polisiya Kiev mehmonxonalaridan biriga mina qo`ilgani to`g`risidagi xabarni tekshirmoqda, deb xabar berdi Ria.ru nashri.
Soat 09.00 da “102” raqamiga qo`ng`iroq qilinib, Kiev mehmonxonalaridan biriga mina qo`yilgani haqida xabar berildi. Voqea joyiga shoshilinch ravishda qutqaruvchilar, tibbiyot va maxsus xizmat xodimlari yuborildi. Mehmonxona binosidan 800 ga yaqin odam evakuasiya qilindi, mehmonxona va uning yonidagi hududlar tekshirildi.
OAVlarning ma`lumot berishicha, mazkur voqea Kiev shahridagi “Ukraina” mehmonxonasida ro`y bergan.
