Tailandda milliy bolalar kuni munosabati bilan uyushtirilgan aviashouda JAS 39 Gripen VVS qiruvchi samolyoti halokatga uchradi, uning uchuvchisi ham halok bo`ldi, deb xabar berdi “Lenta.ru” nashri.
Voqea Tailandning Songkxla viloyatidagi Xat`yay shahrida mahalliy vaqt bilan soat 09:27 da ro`y berdi. Samolyot qulagandan keyin portlab, batamom yonib ketdi.
Uchish-qo`nish yo`lakchasini tozalash uchun mahalliy aeroport vaqtincha yopildi, barcha samolyotlar boshqa aeroportga yo`naltirildi. Voqeani tekshirish uchun Tailand Harbiy havo kuchlari tomondan komissiya tuzildi. Tailand bosh vaziri Prayut Chan-Ocha halok bo`lgan uchuvchining oilasiga ta`ziya izhor qildi.
