Leapmotor haydovchisi 102 raqamiga murojaat qilib, Malibu haydovchisi avariya sodir etib, qo‘pol muomala qilganini xabar qilgan.
Yo‘l-patrul xizmat xodimlari Malibu haydovchisini alkotesterdan o‘tkazmoqchi bo‘lganida, haydovchi qonuniy talablarga bo‘yunsunmasdan, xodimlardan birining yuziga ikki marta musht urdi. PPX xodimlari va atrofdagilar xavfsizligini ta’minlash uchun uni zararsizlantirdi.
Hozirda qonunbuzar protsessual tartibda ushlangan. Unga nisbatan Jinoyat kodeksining 219-moddasi 2-qismi va 277-moddasi 3-qismi “g” bandi bilan jinoyat ishi qo‘zg‘atilgan. Hodisa joyida jabrlanganlar IIBga yoki 102 raqamiga murojaat qilishlari mumkin.






