Suhbatda davlat rahbarlari yaqinlashib kelayotgan Ramazon hayiti va Navro‘z bayrami munosabati bilan bir-birlarini samimiy qutlab, xalqlariga tinchlik, farovonlik va rivoq tiladilar. Shuningdek, O‘zbekiston va Ozarbayjon strategik sheriklik va ittifoqchilik munosabatlarini kengaytirish masalalari muhokama qilindi.
Tovar ayirboshlash ortib borayotgani, savdo-iqtisodiy, investitsion, transport va madaniy-gumanitar sohalarda qo‘shma loyihalar ilgari surilayotgani qayd etildi. Shu bilan birga, Yaqin Sharqdagi vaziyat tahlilida vaziyatning keskinlashishi mintaqaviy va global iqtisodiy oqibatlarga olib kelishi mumkinligi, uni faqat siyosiy-diplomatik vositalar orqali yumshatish zarurligi ta’kidlandi.
Suhbatda bo‘lajak ikki va ko‘p tomonlama tadbirlar rejasi ham ko‘rib chiqildi.
