Qo`llar — tashrif qog`ozimiz. Yangi yil arafasida esa ularni ancha «charchatib» qo`yamiz.
Qish davomida qo`lqoplar kiyib yuramiz. Demak, tirnoqlarimiz plastinasini tiklashning ayni payti. Rangli laklarni shifobaxsh bo`yoqlar bilan almashtirish lozim. Yoki bo`yoqdan tirnoqlaringizni tozalagach, ularga istalgan yog`dan surtish ham foydali. Yana tirnoq atrofidagi terilarni kesmang. Ularni yog`och tayyocha orqali itaring.
Tirnoqlarni parvarishi va terini yumshatish uchun qo`llarga 10-15 daqiqa davomida vanna qilish lozim. 45-55 daraja issiqlikdagi suv qon aylanishini yaxshilab, teridagi teshikchalarni ochadi. Natijada, qo`l terisi va tirnoqlar vitaminlarni tez qabul qiladi. Buning uchun suvga dengiz tuzi, o`simlik yog`i, kanakujut yoki bodom moyi, vitamin A va Elardan birortasini solish, kifoya.
Qo`llar uchun krem xarid qilayotganda ular tarkibida vitamin A (terini yoshartiradi), kollagen va elastin (terini qarishdan asrab, cho`ziluvchanligini oshiradi) borligiga e`tibor qarating. Quyosh tas`iridan himoyalaovchi moddalar ham mavjud bo`lsin, qish faslida bo`lsa-da! Kremlarni ertalab va kechqurun, albatta, surting. Іar safar qo`lingizni yuvgandan so`ng surtsangiz, bayramgacha ular yanada mayinlashadi.
Qo`llar uchun piling qilish ham foydali. Buning uchun suli yormasinini ezib, yarim choy qoshiq o`simlik yog`i qo`shing. Qo`llaringizga yaxshilab surtib, uqalang-da, issiq suvda yuving.
Bayramgacha, albatta, parvarishlovchi niqobdan foydalaning. Tuxum sarig`i, asal, gliserin, sut mahsulotlari va kartoshkali niqoblar ayni muddao.
Kartoshkani qaynatib, ezing-da, iliq sut qo`shing. Niqob teri kuymadigan darajadagi issiqlikda bo`lsin. Qo`llaringizga surtib, 10-15 daqiqadan so`ng iliq suv bilan yuving.
